Traxectoria
No 2005, en Xove, non había ningún centro óptico, polo que a oportunidade presentouse para XX, que decidiu abrir un, non seus comezos xunto a un socio, para ofrecer na vila este servizo, recibindo un grande apoio por parte do Concello. Desde o 2008 traballan man a man con Alcoa, sendo unha empresa auxiliar onde os seus empregados poden adquirir as gafas de seguridade e teñen descontos especiais.
A súa principal diferenza coas grandes cadeas é o coñecemento de cada un dos seus clientes e clientas, o que lles permite asesorar e axudar a cada un deles dunha maneira máis precisa, empregando o galego como unha ferramenta para isto. De feito, en moitas ocasións chégase a ofrecer o servizo a domicilio, se os clientes chegan a precisalo. É algo que os define como empresa pequena, ás que consideran que hai que coidar e mimar, igual que eles o fan cos seus clientes. Para Centro Óptico Xove é moi importante evitar as compras por internet sempre e cando se teña a posibilidade de atopar o produto en calquera negocio local.
Contacto
Enderezo: Tomás Mariño Pardo 8
Teléfono: 982 57 19 74
Facebook: @centroopticoxove
Servizo
Óptica
